text size
Името на Лаура Кодруца Ковеси често се споменува во Хрватска, а јавноста ја освои со борбата против корупцијата, врз што ја изгради својата кариера. Таа во моментов е на чело на Канцеларијата на европското јавно обвинителство (ЕППО) и ја стекна својата репутација како главна обвинителка на романската национална антикорупциска администрација.
Во Романија водеше многу случаи против високопозиционирани политичари и моќници, а претставништвото на ЕППО во Хрватска се обидува да ја спроведе истата практика. Пред сѐ, тие се грижат за рационално трошење на парите од европските фондови, а последен пат во фокусот на јавноста се најдоа по случајот со местење и корупција при јавните набавки на хрватските болници.
Во т.н. афера „Микроскоп“ беше уапсен и министерот за здравство Вили Берош, кој потоа веднаш беше разрешен, а се поврзуваше со познати имиња од криминалното подземје.
ЕППО ја водеше истрагата паралелно со УСКОК (Хрватска канцеларија за сузбивање корупција и организиран криминал), па по апсењето се наметна прашањето за јурисдикцијата, односно независноста на хрватското судство, во кое голем број граѓани немаат доверба. Во секој случај, постапките на Ковеси и нејзината канцеларија влеваат надеж во јавноста дека триделната поделба на власта во Република Хрватска конечно ќе заживее во практика.
.webp){kind=icon}
