text size
Во рамките на работната посета на Њујорк, премиерот Димитар Ковачевски оствари средба со Кит Страјер, потпретседател на корпорацијата „Енвидија“ (NVIDIA), одговорен за вештачка интелигенција.
Како што соопшти владината прес-служба, Ковачевски на средбата со Страјер разговарал за интересот на Владата за изградба на инфраструктура за поддршка на примената на нови дигитални технологии, вклучувајќи ја и вештачката интелигенција, од страна на јавниот сектор и економските субјекти во државата. Овој инфраструктурен проект за воведување нови дигитални технологии и вештачка интелигенција меѓу другото ќе ги адресира и прашањата на националната безбедност, индустрискиот иновациски развој, степенот на безбедност и брзината на услугите.
Од прес-службата потсетуваат дека овие разговори се продолжение на започнатата иницијатива на министерот за информатичко општество и администрација Азир Алиу, на планот за поддршка на развојот и употребата на нови дигитални технологии и вештачка интелигенција во јавниот сектор.
„Енвидија“ е технолошки гигант, најголемиот производител на чипови во светот на вештачката интелигенција.
.webp){kind=icon}
