.webp){kind=icon}
Луѓето кои ќе патуваат за Африка би требало да размислат за вакцина против мајмунски сипаници (мпокс), соопшти Европскиот центар за превенција и контрола на болестите (ЕЦДЦ).
„Поради блиските врски меѓу Европа и Африка мораме да бидеме подготвени за повеќе увезени случаи на инфекција“, изјави Памела Ренди-Вагнер од ЕЦДЦ.
Според ЕЦДЦ, мал е ризикот од глобално ширење на вирусот, затоа лицата треба да бидат вакцинирани со една наместо со две дози вакцина против мпокс. Зголемени дози од вакцината обично се препорачуваат на секои две до 10 години ако лицето е во постојан ризик од изложеност на болеста.
Светската здравствена организација (СЗО) неодамна прогласи глобална вонредна состојба за јавното здравје поради ширењето на мпокс. Мајмунските сипаници изминатите месеци усмртија најмалку 450 луѓе во Конго.
Болеста може да се пренесе со контакт со заразено лице, а симптомите се слични на грипот. Во Шведска неодамна беше откриен случај на мајмунска сипаница кај лице кое се заразило со неа за време на престојот во Африка.
