.webp){kind=icon}
Ураганот Милтон го зафати западниот брег на Флорида во близината на Тампа, проследен со ветрови што кршат дрвја и со силен дожд, туркајќи огромни бранови вода на брегот и доведувајќи ги животите во опасност во овој густо населен регион. Уште нема официјални податоци за повредени или за жртви.
Милтон стигна до брегот во близината на Сиеста Кеј како ураган од трета категорија и сега развива ветрови со брзина од 100 милји (160 километри) на час, посочува Националниот центар за урагани на САД. Прогласена е вонредна состојба од поплави во областа на заливот Тампа, бидејќи бурата се движи кон внатрешноста и кон источниот брег на Флорида.
Ураганот ги распарчи покривот на „Тропикана филд“, стадионот со купола во Сент Питерсбург и дом на тимот Тампа Беј Рејс од бејзбол-лигата Мејџор (Major League Baseball), објави Еј-би-си (ABC). Според „Пауеротејџ“ (PowerOutage.us), невремето го прекина снабдувањето со струја на повеќе од два милиона дома и деловни објекти во Флорида.
Прочитај повеќе
Накратко од светот: Ураганот Милтон ја погоди Флорида
Ураганот Милтон го погоди западниот брег на Флорида во средата вечерта, носејќи екстремно силни ветрови кои се закануваат да ги загрозат животите на луѓето.
10.10.2024
Bloomberg
Милтон стигна до западниот брег јужно од местото каде што пред две недели ураганот Хелен го погоди крајбрежјето на Флорида. Хелен тогаш одзеде најмалку 230 животи. Годинава американското копно беше погодено од пет урагани, вклучувајќи го и Берил, кој во јули го погоди Хјустон и остави без струја милиони дома и компании.
Според Центарот за урагани, заливот Тампа (Tampa Bay) може да се соочи со бранови високи 1,5 метар, додека островот Ана Марија може да биде погоден од бранови високи дури четири метри. Милтон исто така може да донесе многу обилни дождови во некои области.
„Овие врнежи и понатаму ќе носат ризик од катастрофални и опасни по живот бранови и поплави во густо населените места, заедно со умерени до големи излевања на реките“, рече Ричард Паш, метеоролог во Центарот за урагани.
Силните ветрови на Милтон забавија, но бурата значително се зголеми. Ветровите со тропска бура сега достигнуваат 410 км час, што е речиси двојно повеќе од пред само 24 часа, кога дуваа со брзина од 225 километри.
„Се очекува Милтон да предизвика штети и загуби во опсег од 60 до 75 милијарди долари, што е голема катастрофа за регионот“, предупреди Чак Вотсон, вештак за катастрофи за „Енки рисрч“ (Enki Research), уште пред бурата да стигне до копното.
Гувернерот на Флорида, Рон Десантис, на брифингот вчера рече дека државата има во готовност повеќе од 50.000 лица, кои се подготвени да започнат со обновување на мрежата за електрична енергија веднаш штом ќе биде безбедно. Претседателот Џо Бајден рече дека федералната влада е подготвена да распореди воен персонал за да им помогне на жителите за обновување на домовите.
