text size
Ураганот Исајас остави повеќе од 800.000 корисници без струја и предизвика големи поплави долж американскиот брег на Мексиканскиот Залив. Локалните власти во саботата почнаа да ги проценуваат штетите од разорните ветрови и морската вода што навлезе на копното.
Ураганот од втора категорија стигна до копното во 20.30 часот во близина на Дестин, Флорида, со максимална брзина на ветровите од 169 километри на час и брзо ослабна во посттропски циклон, наведува американскиот Национален центар за урагани.
Ветровите ги урнаа електричните далекуводи додека бурата навлегуваше на копното, оставајќи без струја околу 840.000 домаќинства и деловни објекти во Флорида, Алабама и Џорџија, според PowerOutage.com.
Производството на нафта во Мексиканскиот Залив нагло падна додека бурата се приближуваше кон американскиот брег.Компаниите ги евакуираа работниците од морските нафтени платформи, а подвижните платформи за дупчење ги преместија во делови од заливот каде што не се очекуваше да помине ураганот..
Поројните дождови и порастот на морското ниво предизвикан од бурата, за кој се прогнозираше дека ќе достигне до 2,7 метри, ги поплавија патиштата во Флорида и Алабама. Силните ветрови оштетија покриви, урнаа дрвја и електрични водови и расфрлаа остатоци низ регионот, пишува „Асошиејтед прес“. Локалните власти надлежни за сообраќајот затворија патишта и ги повикаа возачите да избегнуваат возење по локалните сообраќајници.
Се прогнозира дека остатоците од Исајас, првиот атлантски ураган што го погоди копнениот дел на САД по речиси две години, ќе продолжат кон Флорида, Алабама и Џорџија во саботата, соопштија властите. Во регионот се очекуваат до 20 сантиметри дожд, а во одделни подрачја и до 38 сантиметри.
Силните ветрови веројатно ќе продолжат, а бурата ќе се движи на север преку Алабама, а во текот на саботата и неделата ќе стигне до долините на реките Тенеси и Охајо, прогнозираат метеоролозите. Ќе донесе обилни дождови, а можни се и торнада во подрачја сè до Северна и Јужна Каролина.
Годинава во Атлантикот има невообичаено малку бури и урагани. Причината е силниот Ел Нињо, климатски феномен што го отежнува создавањето бури во овој регион. Во просечна сезона, до почетокот на октомври се регистрираат 11 бури што добиле име, од кои пет прераснуваат во урагани, покажуваат податоците.
.webp){kind=icon}
