Велика Британија продолжува да ги поддржува Украина и ОБСЕ, порачал шефот на британската дипломатија Дејвид Камерон пред министрите за надворешни работи во Скопје, пред почетокот на 30-от министерски совет на ОБСЕ.
Камерон вчера присуствуваше на неформалната вечера на министрите за надворешни работи, додека на министерскиот сове на ОБСЕ денеска учествува британскиот министер за вооружени сили Џејмс Хипи.
„Секретарот за надворешни работи, на состанокот на министрите за надворешни работи во Скопје, пред министерскиот совет на ОБСЕ, рече дека Велика Британија ќе стои со Украина онолку долго колку што е потребно и ќе продолжи да дава морална, дипломатска, економска и воена поддршка“, информираат од британската делегација во ОБСЕ.
Камерон исто така рекол дека Русија е одговорна за конфликтот и дека нејзините постапки се неодбранливи и ги прегазила сите десет начела на хелсиншкиот завршен акт, врз кој почиваат односите меѓу државите.
„Британскиот министер за надворешни работи ја заврши својата забелешка порачувајќи дека Британија е јасна во поддршката за ОБСЕ и ги повика сите присутни министри за надворешни работи да ја поддржат организацијата и да ја обезбедат нејзината иднина, поздравувајќи го преземањето на функцијата претседавач од Малта во 2024 година“, посочуваат од британската делегација во ОБСЕ.
.webp){kind=icon}
Во моментов нема коментари за веста. Биди прв да коментира...