text size
Голем пресврт го обележи вториот круг од парламентарните избори во Франција. По убедливата победа во првиот круг, екстремно десничарската партија Национално обединување со сојузниците доживеа значителен пораз. Левичарската коалиција Нов народен фронт извојува релативна победа, додека центристичкиот блок на претседателот Емануел Макрон го зазеде второто место, а екстремната десница третото. Доколку официјалните резултати ги потврдат овие бројки, Франција ќе добие парламент во кој никој нема да има апсолутно мнозинство.
Неформалниот сојуз против партијата на Марин Ле Пен, кој беше формиран по првиот круг од левичарскиот сојуз и центристите на Макрон, се покажа како успешен.
Bloomberg Mercury
Џордан Бардела, десничарскиот кандидат за премиер, директно го обвини претседателот Емануел Макрон за поразот. Нов премиер треба да стане лидерот на левичарската алијанса Жан-Лук Меланшон.
Францускиот премиер Габриел Атал ја објави својата оставка во неделата вечер, откако левичарскиот сојуз неочекувано победи на парламентарните избори. Атал изјави дека ансамблот на изборниот сојуз повеќе го нема потребното мнозинство за управување со земјата и најави дека ќе поднесе оставка в понеделник наутро.
Според прелиминарните резултати од вториот круг од вонредните парламентарни избори во Франција, кои рано утринава ги објави француското министерство за внатрешни работи, левичарската коалиција Нов народен фронт (НФП) освои 182 места во националното собрание, објави „Ле монд“.
.webp){kind=icon}
