.webp){kind=icon}
Од земјите од поранешна СФРЈ, само Словенија и Хрватска имаат инвестициски рејтинг. Србија е блиску до тоа да го добие. Македонија, Црна Гора и Босна и Херцеговина влегуваат во категоријата земји за кои не е сигурно дека ќе можат да си ги исполнат обврските во иднина.
Агенцијата Moody's најави дека од средината на јули ќе го зголеми кредитниот рејтинг на Хрватска за два степени, на Baa2, што е историски највисок рејтинг на земјата. Со ова, Moody's ја издигнува земјата на инвестициско ниво односно ја отстранува од листата земји со шпекулативен рејтинг. Подборувањето на рејтингот, Хрватска го должи на позитивната одлука на Советот на Европската унија за воведување на еврото.
Пред Хрватска да влезе во групата земји со инветициски рејтинг, таму беше само Словенија која има надпросечен кредитен квалитет.
Од другите земји, Србија е најблизку до инвестициски рејтинг. S&P i Fitch ја оценуваат во BB+, што е чекор до излегување од шпекулативен рејтинг, според Mood'y земјата има рејтинг Ba2 или два чекори под инвестисикиот рејтинг.
Македонија нема оценка од најстрогата агенција Moody's, од S&P-a има BB-, a од Fitcha BB+. Со вакви оценки, земјата е пред Босна и Херцеговина и Црна Гора, но и натаму во групата земји за кои не е сигурно дека во иднина ќе можат да си ги исполнат обврските.
Црна Гора исто така не е оценета од сите три агенции. S&P ги оценува со B, a Moody's со B1. Ни Босна и Херцеговина нема оценка од Fitch. Според S&P има рејтиг B, a според Moody's B3. Или, оваа земја е најлошо оценета во регионот како моиментално способна да ги исполнува обврските, но со ризик дека тоа ќе може да го прави и во иднина.
Последната оценка земјава ја доби во април од Fitch – BB+ со негативен изглед, што го имаше и претходно. Тогаш, Министерството за финансии соопшти дека задржувањето на кредитниот рејтинг е особно значајно за РС Македонија во услови на глобална криза.
Претходно кредитниот рејтинг на РС Македонија го потврди Агенцијата „Стандард и Пурс“, „ББ-“ со стабилен изглед. Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат предвид при носење на нивните одлуки.
