Претседателот на Србија, Александар Вучиќ, денеска изјави дека ако цената на гасот во зима порасне на 4.000 долари за 1.000 кубни метри, расходите за четири месеци ќе бидат шест милијарди евра, што е речиси половина од буџетот на Србија.
По разговорот со претседателите на општините Ивањица, Сјеница, Рашка, Ариље Косјериќ и Пожега, тој рече дека ваквото сценарио со цената на гасот е катастрофа.
„Сега цената на гасот е 1.730 долари за 1.000 кубни метри, а со транспортни трошоци може да се купи од 2.100 до 2.200 долари, но не треба да се заборави дека сега е најевтин бидејќи е јули и го користи само индустријата. Се очекува дека енергентот ќе поскапи на 4.000 долари, за 15 милиони кубни метри потрошувачка, а тоа е речиси половина од буџетот за четири зимски месеци. Зборувам само за размерите на катастрофата што не очекува“, изјави Вучиќ. .
Тој додаде дека негова проценка е дека цената на гасот во зима може да се искачи до 5.000 и 6.000 долари за 1.000 кубни метри.
Посочи дека има многу проблеми со дизелот чија цена не може да се заузда поради инфлацијата, па затоа компаниите нема да го увезуваат поради неговата неисплатливост, поради што извозот е привремено забранет.
Вучиќ рече дека струјата се плаќа по 368 евра за мегават, што е девет пати повеќе од 40-41 евро што граѓаните плаќаат за неа.
Како што рече, цената на струјата не смее да се зголемува бидејќи „да поскапе за шест, седум или осум отсто не би било страшно, ништо не би значело, додека, на пример, поскапување од 100 отсто би било премногу за сиромашните кои не би можеле да ги платат и инфлацијата вртоглаво би пораснала“.
Тој рече дека сега никој нема да потпише договор за купување струја, однапред за зимата, без клаузула дека може да не се испорача поради виша сила.
Голем проблем имало и со обезбедувањето јаглен и дека било тешко да се обезбедат превозни средства за транспорт на јаглен. Вучиќ разговарал со Кинезите за дополнителни бродови кои би доставувале јаглен до пристаништето Констанца, по околу 45.000 тони на петдневна основа.
Нè чека не лесна зима, знам дека на луѓето им е преку глава од приказните за тоа, но моја работа е да зборувам за тоа за луѓето да бидат поподготвени“, рече Вучиќ.
.webp){kind=icon}
