.webp){kind=icon}
Членството во еврозоната носи придобивки, но и одговорност и мислам дека Хрватска тоа го разбра а својот пат, изјави претседателката на Европската централна банка (ЕЦБ), Кристин Лагард, по повод одлуката Хрватска да стане дваесеттата членка на еврозоната од 1 јануари 2023 година.
„Кога сите заедно се бориме против инфлацијата, високите цени на енергијата и храната, ние сме посилни и во подобра позиција. Еврото е втора најголема валута во светот и е силно само по себе. Кога сте дел од тоа, сигурно е штит за која било земја членка“, им рече таа на хрватските граѓани во интервју за ХРТ.
Запрашана за борбата против инфлацијата, нешто што ги загрижува Хрватите исто како и останатите граѓани на Европа, од аспект на тоа што стапките во Хрватска се поголеми од земјите во еврозоната, Лагард рече дека таа ќе остане висока во текот на оваа година, но и дека цврсто верува дека ќе почне да паѓа во 2023 година. а уште повеќе во 2024 година.
„Наша должност е, нашиот мандат е да ја намалиме инфлацијата на два проценти, тоа нема да се случи преку ноќ, ќе мораме со текот на времето да ги зголемуваме каматите, но на среден рок сакаме да ја вратиме инфлацијата на два проценти и ќе го направиме, рече Лагард.
Коментирајќи го фактот дека Хрватска е една од ретките нови членки која веројатно нема веднаш да почувствува пад на каматните стапки, Лагард рече дека ова се моменти кога треба да се потрудите и да донесете посебни мерки.
„Добро е да се биде во ист клуб и треба да ја користиме нашата сила. Некои велат дека моментот (да се влезе) е добар, некои велат дека е лош. Сепак, нема добар или лош момент, има момент кога сте подготвени и Хрватска е подготвена да влезе во еврозоната“, истакна претседателката на ЕЦБ.
Таа додаде дека каматните стапки не се зголемуваат за задоволство, туку за да се ограничи инфлацијата, од која корист ќе имаат сите.
