„Веќе воведовме вонредна состојба, само што сè уште ја немаме прогласено“, изјави претседателот на Србија Александар Вучиќ, појаснувајќи дека секој ден се работи на решавање на прашањето со енергетската криза бидејќи доаѓа тешка зима.
„Веќе пумпаме гас во унгарските магацини и тоа по високи цени, изјави Вучиќ и додаде дека Србија веќе го стопирала извозот на нафтените деривати и дека оваа одлука ќе биде продолжена.
„Во текот на зимата трошиме 110.000 тони јаглен, дневно ни недостигаат 20.000, а на депониите имаме јаглен за седум дена. Почнавме да увезуваме јаглен, рече Вучиќ.
Тој информира дека Србија има добра цена на гасот договорена со Русите и дека „во најлош случај во зима, во случај на светска војна, ќе бидат покриени две третини од потребите“.
Тој порача дека државата, ако треба, ќе ја преземе Нафтената индустрија на Србија (НИС) од руски „Гаспром“ како мнозински сопственик додека траат санкциите и ќе ја врати кога тие ќе поминат.
„Индивидуалните посредници и трговци на ирачката нафта „Киркук“ не сакаат да соработуваат со фирми кои имаат мнозински руски сопственици. Досега го решававме тој проблем, ќе гледаме и во иднината и ќе разговараме со Русите ако треба да направиме договор за преземање на НИС додека траат санкциите и да го вратиме кога тие ќе поминат“, рече Вучиќ.
Тој посочи дека таков цврст договор ќе се склучи само доколку е потребно и дека државата нема НИС да го „киднапира“.
Вучиќ истакна дека Србија мора да биде обединета, да продолжи да го штити својот европски пат, да ги штити односите со Русија и Кина и сите останати и посочи дека оваа политика ги издржала најтешките времиња.
„Го работиме нашиот дел нашата земја да оди напред, ние ја штитиме нашата земја. Тоа е најотворената игра, противникот започна да игра Кралски гамбит. Тешко ни е да не одговориме многу офанзивно“, изјави Вучиќ и додаде дека сега ја игра најтешката партија шах.
Претседателот на Србија, кажа дека „не би лицитирал, но голем дел од новата Влада на Србија ќе бидат некои други луѓе“ и нагласи дека размислува за четворица кандидати за премиер на Србија.
.webp){kind=icon}
