text size
Цената на нафтата брент надмина 100 долари за барел за прв пат од јули, бидејќи нападите меѓу САД и Иран и закрепнувањето на купувањето нафта од Кина го подигнуваат глобалниот репер за сурова нафта.
Брент порасна за повеќе од 60 проценти оваа година и сега е над 100 долари по трет пат оваа година. Рафинираните производи како што е дизелот се зголемија уште повеќе бидејќи конфликтот на Блискиот Исток се прошири до Црвеното Море во близина на Саудиска Арабија, покрај војната меѓу Русија и Украина. Заедно, овие зголемувања на цените се закануваат да доведат до нова рунда инфлаторни трошоци за светските централни банкари.
Добро утро, ви пишува Игор Петровски од дигиталната редакција на Блумберг Адрија, ова се петте вести за почеток на денот:
Доаѓа Супер Ел Нињо - ќе донесе ли со себе и ценовен енергетски шок
До крајот на оваа година климатските услови ќе бидат најинтензивни досега, според евиденцијата што се води од 1950 година, предупредува Американскиот центар за климатcки прогнози. „Виновникот“ за ова ќе биде климатскиот феномен Ел Нињо. Според Светската метеоролошка организација, Ел Нињо ќе трае до февруари и ќе биде исклучителен настан.
Ел Нињо се појавува на секои две до седум години и вообичаено носи потопло време. Оттука, се прогнозира дека следната година ќе биде најтопла забележана досега и најверојатно температурите ќе ги надминат тие од 2024 година, кога просечната глобална температура беше за 1,5°C повисока од прединдустрискиот просек, според податоците на американската Национална океанска и атмосферска администрација.
Високи функционери на ЕУ биле цел на сајбер-напади преку Сигнал и Ватсап: што прави ЕУ, а како се штити Македонија?
Европската унија за прв пат официјално призна нешто за што безбедносните агенции одамна „шепотеа“ – дека високи функционери на блокот биле систематски таргетирани од страна на државно-поддржани хакерски групи преку апликации за пораки како „Сигнал“ (Signal) и „Ватсап“ (WhatsApp). Признанието доаѓа преку интерен, доверлив документ на Европската комисија до кој дојде Политико, а подоцна го потврдија и Еуроњуз и други медиуми.
Ова е прво официјално признание дека претставници на ЕУ биле цел на сајбер напади преку апликации за пораки, откако неколку национални сајбер агенции претходно оваа година пријавија тековна кампања поврзана со руски закани.
Акциите во регионот изгледаат евтино во однос на S&P 500 - но дали се навистина добра инвестиција?
На прв поглед, регионалните акции изгледаат како очигледна алтернатива на скапиот американски пазар, со оглед на тоа што вреднувањата се пониски, а инвеститорот добива поголем дел од очекуваната добивка на компанијата за ист износ капитал.
Сепак, тоа не значи дека акциите во регионот се навистина поатрактивни. Инвеститорот не избира само помеѓу американски и регионални акции, бидејќи алтернатива се и државните обврзници, кои денес нудат конкурентни приноси во одредени земји од регионот.
Шест работи што треба да ги знаете од настанот на „Епл“ и лансирањето на ајфонот на преклопување
Епл“ (Apple) со години работи на ајфон на преклопување, а сега проектот конечно стигнуа до својата голема премиера. Компанијата го претстави својот прв телефон со преклоплив екран, што би било најголема промена во дизајнот на ајфонот во речиси 20 години.
Приказната почна многу порано, но околу 2020 година Тим Кук особено се заинтересирал за оваа технологија. За време на патувања во Азија видел дека сè повеќе луѓе користат преклопливи телефони од „Самсунг“, „Хуавеј“ и други производители. Тој се вратил со став дека „Епл“ мора да има свој претставник во оваа категорија и го притиснал тимот да го забрза развојот.
Трансакција тешка една милијарда евра: „Римац Група“ презеде целосна контрола врз „Бугати Римац“
Во рамките на трансакцијата најавена во април 2026 година, конзорциум предводен од „ХОФ Капитал“ (HOF Capital), во кој „БлуФајв Капитал“ (BlueFive Capital) е најголемиот инвеститор, ги презеде уделите на „Порше“ (Porsche) во „Римац Група“ и „Бугати Римац“ (Bugatti Rimac). Трансакцијата сега е официјално завршена, нејзината вредност е околу една милијарда евра и е целосно финансирана од конзорциумот.
За потсетување, „Порше“ и „Римац Група“ го основаа „Бугати Римац“ во 2021 година како заедничко вложување (joint venture), во кое „Римац Група“ беше мнозински сопственик на 55 проценти од капиталот што сè уште го држи денес, додека „Порше“ ги имаше преостанатите 45 проценти.
.webp){kind=icon}
