Инфлацијата во Македонија повторно почна да се зголемува и за таа цел анализираме какви се разликите во цените на различни производи и услуги во споредба со минатата година односно кои се главните двигатели на растот на трошоците на животот и какво е влијанието на растот на платите. „Нетфликс“ во изминатиов период доживува ренесанса и се стреми да ги достигне највредните компании во светот. Истражуваме каков е интересот за стриминг платформите во земјава и како им оди на домашните компании во овој бизнис. Прашуваме колку одговорноста за несовесно однесување, пред се кај младите, може да се бара во социјалните мрежи како Тикток, а колку во семејното и училишното воспитување односно дали полека не стануваме општество кое бара виновници по секоја цена.
Правиме ретроспектива на сите спојувања и аквизиции меѓу компаниите во регионот во текот на годинава и прашуваме дали и каде има потенцијал за слични чекори следната година. Анализираме колку новите полесни услови за вработување на странци во Германија може да го зголемат иселувањето од Македонија и истовремено откриваме какви вештини се дефицитарни на македонскиот пазар на труд и какви профили работници најмногу бараат компаниите.
Истражуваме што се рециклира најмногу во Македонија и каков потенцијал има овој бизнис и каква е состојбата со увоз на злато во земјава.
.webp){kind=icon}
