Си ги најдовте ли подароците под елката? Завиктани ли беа? Што направивте со амбалажата? Колку храна ви остана неизедена? Знаете ли дека 20 отсто од граѓаните на Македонија не би рециклирале ѓубре ни за пари, а за празници создаваме отпад и за 30 отсто повеќе од вообичаено?
Новите еколошки регулативи во ЕУ ќе ја дотепаат автомобилската индустрија
Од 1 јануари 2025 година Европската Унија почнува со спроведување уште построги забрани за емисиите на јаглерод диоксид од возилата, што значи дека најмалку една петтина од возилата што ги продаваат повеќето производители ќе мора да бидат електрични, за да се избегнат високите казни.
Сепак, податоците од Асоцијацијата на европски производители на автомобили (AЦEA) покажуваат дека во 2024 година само 13 отсто од сите возила продадени во ЕУ биле електрични.
Прогноза за 2025-та: Ќе растат цените на бакарот и на алуминиумот
Очекуваме цените на бакарот и на алуминиумот да останат во нагорен тренд, при што побарувачката е поврзана со обновливите извори на енергија и вештачката интелигенција, со намалувањето на каматните стапки што го балансираат забавувањето на индустријата на западните економии и со бавното закрепнување на Кина. Силниот американски долар не им прави услуги на цените.
Повеќе заштитни мерки може да доведат до поголема разлика во цените меѓу главните пазари.
Целосно прекина испораката на руски гас за Европа
Русија престана да испраќа гас во Европа преку Украина, затворајќи ја рутата што функционира пет децении откако Киев одби да дозволи каков било транзит кој ќе ја финансира руската воена машинерија.
Двете страни го потврдија прекинот во средата по истекот на клучниот транзитен договор. Исклучувањето значи дека голем број централноевропски земји кои се потпираат на протокот ќе бидат принудени да набавуваат поскап гас на друго место, зголемувајќи го притисокот врз снабдувањето бидејќи регионот го исцрпува зимското складирање со најбрзо темпо во последните години.
Македонија доби нов ски-центар
Новиот ски-центар „Михајлово“ денеска почна со работа. Тој се наоѓа на планината Кожуф, а 35 километри оддалеченост од Кавадарци. Центарот располага со ски-патека, ски-лифт и сите неопходни елементи за скијачки центар. Од Кавадарци до ски-центарот има организиран превоз, а повратен билет чини 280 денари.
„Михајлово“ се наоѓа на 1.300 метри надморска височина, а патеката е долга 400 метри, ски-лифтот е со капацитет од 600 лица на час, а скијачкиот појас има капацитет за 800 лица. За почетниците има посебна патека. а има и други реквизити и содржини за најмладите, како и посебна лента за учење на почетници.
10 мртви во Њу Орлеанс, автомобил влета во толпа
Десет лица загинаа, а 30 се повредени кога возило влета во толпа на улица Њу Орлеанс во раните утрински часови на новогодишниот ден, извести градската агенција за управување со вонредни состојби.
Полицијата во Њу Орлеанс претходно соопшти дека реагирала на инцидентот со масовни жртви во средата, во кој имаше и мртви. Агенцијата ги советуваше луѓето да се држат настрана од областа.
.webp){kind=icon}
