Избраниот претседател Доналд Трамп повторно зборува за купување на Гренланд, најголемиот остров во светот, инаку територија на Данска под самостојна управа. Неговиот аргумент овој пат е дека контролата на островот од страна на САД е од витално значење за националната безбедност. Но, може ли да го купи?
Добро утро, ова се петте вести кои се важни за почеток на денот
Ќе се опамети ли светот во 2025 година?
Изминативе години покажаа дека светот за жал не научи ништо од пандемијата на ковид-19 која одзеде огромен број човечки животи и предизвика невиден застој на глобалната економија пред се поради блокадата на синџирите за снабдување и отежнатото тргување. Само што спласна оваа пеколна болест и економската состојба почна да се нормализира, во февруари 2022 година избувна војната во Украина, којашто предизвика сериозна енергетска криза и значително поскапување на енергентите.
На тоа се надоврза инфлаторниот бран од историски размери со кој централните банки ширум светот до денес се справуваат. Таман кога растот на цените почна да се враќа на некакво пристојно ниво букнаа вооружените пресметки во Израел и Појасот Газа, кои прераснаа во нова војна на Блискиот Исток. Иако сите овие настани по пандемијата се случија релативно далеку од нашите домови, имаа битно влијание врз секојдневието на населението и деловниот сектор во регионот Адрија.
Оди ли се во прилог на доларот: Што ќе го движи курсот евро/долар?
Изгледите Доналд Трамп да ги омекне своите планови за воведување царини на Европската унија го зајакна еврото за околу 1,2 отсто оваа година. Дополнително, повисоката инфлација во декември, која изнесуваше 2,4 отсто на годишна основа, укажува на потребата од претпазливост во однос на натамошните потези на ЕЦБ во 2025 година.
Доколку инфлацијата не се придвижи кон посакуваното ниво од 2 отсто, ЕЦБ би можела да го прекине дополнителното намалување на каматните стапки (што во моментов не е наше основно сценарио), што би го поддржало зајакнувањето на еврото во однос на американскиот долар. Главниот двигател на вкупната инфлација остануваат цените на услугите, кои пораснаа за 4 отсто на годишна основа, поттикнати од каскадното прелевање на растот на платите низ еврозоната, особено во земјите со недостиг на работна сила.
Инфлацијата расте, на годишно ниво во декември поевтиниле само рибите
Трендот на раст на трошоците на живот продолжи и во декември. Стапката се искачи на 4,4 отсто на годишно ниво. Во однос на ноември растот изнесува 0,3 отсто.
„Зголемувањето на инфлацијата во декември 2024 година, во однос на ноември 2024 година, е резултат на зголемувањето на трошоците на животот во следните групи: транспорт за 4.8 отсто, рекреација и култура за 1.7 отсто, ресторани и хотели за 0.4 отсто, облека и обувки за 0.2 отсто, разновидни стоки и услуги за 0.1 отсто. Во декември 2024 година, во однос на ноември 2024 година, намалување на трошоците на животот е забележано во следните групи: комуникации за 0.4 отсто, храна и безалкохолни пијалаци за 0.3 отсто, мебел, покуќнина и одржување на домаќинствата за 0.2 отсто“, се наведува во денешното соопштение на Државниот завод за статистика.
Преценети се цените на акциите на македонските банки: Анализа
За македонските деловни банки 2024 беше исклучително успешна година во поглед на цените на нивните акции на берза и беа еден од главните фактори за успешната година за целата Македонска берза. Движењето на цените всушност ги отслика позитивните услови за работење на банките, а да не заборавиме дека над 43 проценти од македонскиот индекс отпаѓа токму на нив. МБИ10 ја заврши 2024 година со фантастичен раст од 65 отсто, со што индексот ја достигна својата историски највисока вредност од преку 10.000 поени, вторпат од 2007 година досега.
Со помош на нашата аналитичарка Марина Петров Савиќ ќе се обидеме да го демистифицираме овој берзански успех на банките во земјава, преку споредба со перформансите на европските банки.
Фејсбук ја укинува проверката на факти, а X ќе поддржува „кликбејт“ новинарство
Извршниот директор на „Мета“, Марк Закерберг, го оправда укинувањето на проверувачите на факти со тврдењето дека тие „биле премногу политички пристрасни и уништиле повеќе доверба отколку што создале, особено во САД“.
Многумина во неговиот најнов потег гледаат кулминација на повеќемесечните напори да му се додвори на Доналд Трамп, на кого Фејсбук му го укина профилот по нападот на Капитол во јануари 2021 година.
.webp){kind=icon}