Германија ќе го продолжи работниот век на трите постоечки нуклеарни електрани до средината на април следната година, одлучи германскиот канцелар Олаф Шолц.
Неговата одлука е спротивна на тоа за што се залага Партијата на зелените, односно министерот за економија, Роберт Хабек, во чиј што ресор спаѓа и енергетиката. Во текот на изминатиот викенд на својата партиска конвенција зелените гласаа против продолжување на работењето на нуклеарките.
Одлуката на Шолц всушност стави крај на преговорите меѓу зелените и либералите, кои сметаат дека Германија мора да го користи сиот свој можен производствен енергетски потенцијал во овие услови на криза.
„Од клучен интерес за земјата и економијата е да го одржиме расположливиот капацитет за производство на енергија оваа зима“, рече министерот за финансии Кристијан Линднер, додавајќи дека сега и канцеларот Шолц ги разјасни тие работи.
Хабек планираше да ги остави активни само две од трите нуклеарни електрани најдоцна до април 2023 година, а Линднер бараше да работат сите три до 2024 година.
Шолц беше под силен притисок да обезбеди дополнителни извори на енергија, кои што нема да бидат скапи.
Иако капацитетите на германските складишта се полни над 95 отсто со природен гас, операторот на електроенергетскиот систем предупредува дека тоа можеби нема да биде доволно за да се задоволи зимската побарувачка.
.webp){kind=icon}
Во моментов нема коментари за веста. Биди прв да коментира...