.webp){kind=icon}
Инфлацијата во Обединетото Кралство порасна повеќе отколку што се очекуваше, за 11,1 отсто, што претставува највисоко ниво во последните 41 година. Тоа прави дополнителен притисок врз британската централна банка за повторно да ги зголеми каматните стапки.
Очекувањата на централната банка беа дека цените ќе пораснат за 10,9 отсто, додека економистите предвидуваа инфлација од 10,7 проценти. Сепак, Бирото за национална статистика соопшти полоши податоци.
Инфлацијата сега е пет пати поголема од целта на БоЕ (Bank of England) од два отсто, што ги нагласува аргументите за повисоки каматни стапки. Централната банка ја зголеми својата референтна каматна стапка осум пати во текот на последната година за да спречи поголемите трошоци за енергија да доведат до спирала на платите и цените. Инвеститорите се обложуваат дека БоЕ следниот месец ќе ја зголеми каматата уште за половина бод, со што референтната каматна стапка ќе изнесува 3,5 отсто.
„Денешните бројки за инфлација од 11,1 отсто и натаму фрлаат сенка врз потрошувачите и компаниите. Уште е нејасно дали го достигнавме врвот на инфлацијата оваа година, но, во секој случај, ова е тежок период за пазарите“, рече Ендру Алдриџ, партнер во „Дипбриџ капитал“.
GBPUSD:CUR
GBP
1,185 USD
почетна цена
1,1865
претходна цена на затворање
1,1865
промена од почетокот на годината
-12,2303%
дневен опсег
0,00 - 0,00
опсег на 52 недели
1,04 - 1,37
По објавата на податоците за инфлација, фунтата порасна дури за 0,3 отсто во однос на доларот и сега изнесува 1,1901 долар.
Доколку Владата не воведеше поддршка за да може донекаде да ги држи под контрола цените на енергијата, што следствено го ограничува растот на цените на другите производи, инфлацијата ќе изнесуваше 13,8 отсто, соопшти ОНС. Стапката на инфлација за домаќинствата со ниски примања изнесува 11,9 отсто, во споредба со побогатите, за кои инфлацијата е 10,5 проценти.
Bloomberg Mercury
Цените на електричната енергија и природниот гас за домаќинствата пораснаа за 27 проценти откако британскиот енергетски регулатор допушти зголемување на горната граница на сметките. Иако Владата во голем дел ги заштити потрошувачите, размерот на зголемување е доволно голем за да ја загрози куповната моќ на многу потрошувачи и компании.
Цените на бензините и дизелот паднаа за 0,5 проценти во текот на минатиот месец.
Bloomberg Mercury
„Октомври може да значи пресвртница, зашто очекуваме вкупната стапка на инфлација да почне да паѓа во следните месеци. Гледајќи нанапред, комбинацијата од слаб раст и слабеење на влијанието од светските шокови може да доведе до намалување на ценовните притисоци“, вели Џил Селфин, главен економист во КПМГ УК (KPMG UK).
Гувернерот на БоЕ, Ендру Бејли, и неговите колеги денеска попладне ќе реферираат во парламентот за очекувањата за инфлација. Утре, пак, министерот за финансии Џереми Хант треба да ги објави мерките што вклучуваат владино субвенционирање за енергија откако моменталниот пакет мерки ќе заврши во април.
„Многу внимателно размислуваме за сите прашања, но само да ги коригираме недоразбирањата, поддршката за цените на енергијата што ја даваме на домаќинствата нема да престане од април, а в четврток ќе објавиме колкава ќе биде таа поддршка“, рече Хант.
