Претседателката на Европската централна банка (ЕЦБ), Кристин Лагард, вели дека каматните стапки може да достигнат нивоа што ќе го ограничуваат економскиот раст, со цел да се смири инфлацијата која е повеќе од пет пати поголема од официјалната цел.
Лагард денеска рече дека „ризикот од рецесија“ е зголемен, но дека падот сам по себе нема да биде доволен да го скроти растот на цените. Откако веќе го спроведе најагресивното монетарно затегнување во својата историја, ЕЦБ се очекува следниот месец да ги зголеми трошоците за задолжување на или над два отсто.
„Очекуваме дополнително да ги зголемиме стапките, а тоа можеби нема да биде доволно“, рече Лагард во говор во Франкфурт. „На крајот, ќе ги подигнеме стапките на нивоа што навремено ќе ја вратат инфлацијата на нашата среднорочна цел“, додаде таа.
Прочитај повеќе
ЕЦБ годинава ќе инкасира 885 милијарди евра од отплати на кредити
Првите отплати би можеле да имаат директно влијание врз политиката на ЕЦБ.
14.11.2022
ЕЦБ: Рекордната инфлација создава проблеми за банките и владите
Големите трошоци за живот ја нагризуваат способноста на луѓето да ги сервисираат долговите.
16.11.2022
Рекорден раст на каматите во еврозоната, што ја очекува Македонија?
Зголемување на трошоците има кај новите станбени кредити за домаќинствата
05.11.2022
ЕЦБ ги зголеми стапките на највисоко ниво по повеќе од 10 години
Европската централна банка (ЕЦБ) ги зголеми цените за задолжување за 75 базични поени.
27.10.2022
Претставниците на ЕЦБ тврдат дека трошоците за задолжување мора да продолжат да растат како одговор на најбрзата инфлација од воведувањето на еврото пред повеќе од две децении. Сепак, по последователните зголемувања од 75 базични поени, апетитот за големи потези можеби се намалува, особено бидејќи прогнозите укажуваат на зимска рецесија за 19-члената еврозона.
Дискусиите сугерираат дека потег од 50 базични поени би можел да биде поверојатен во конечната одлука на 15 декември, доколку отчитувањето на инфлацијата овој месец не предизвика друго изненадување, велат извори запознаени со ова прашање.
Инфлацијата во еврозоната достигна 10,6 отсто во октомври и најверојатно ќе остане покачена со месеци, изјави оваа недела потпретседателот Луис де Гвиндос. Како и Лагард, тој рече дека слабеењето на економијата, предизвикано од руската војна во Украина и последователната енергетска криза, само по себе нема да ги намали цените.
„Инфлацијата во еврозоната е превисока“, посочи Лагард. „Историското искуство сугерира дека рецесијата веројатно нема значително да ја намали инфлацијата, барем на краток рок“, додаде таа.
ЕЦБ следната година ќе почне да го намалува билансот на состојба. Претседателката ги потврди клучните принципи кои ќе важат за процесот познат како квантитативно заострување, кој ќе биде претставен во декември.
„Соодветно е билансот да се нормализира на одмерен и предвидлив начин“, рече Лагард.
.webp){kind=icon}
