Некои од најголемите железнички станици во Лондон беа затворени денеска, додека аеродромите како Гетвик, исто така, беа лишени од сите железнички услуги бидејќи работниците повторно штрајкуваат, а претставниците на синдикатот предупредуваат на натамошни активности.
Патничките услуги во главниот град управувани од Темслинк беа целосно прекинати. Машиновозачите кои ги претставува синдикатот „Аслеф“ штрајкуваат по долг спор околу платите.
„Колку подолго трае ова, толку е поголема веројатноста да ескалира“, рече Мик Вилан, генералниот секретар на Аслеф, на состанокот во Лондон. „Треба да се пензионирам за три години - би сакал да го средам ова пред тоа“.
Вилан рече дека ќе се сретне со министрите в понеделник и ги повика повеќе да се залагаат во разговорите. Владата бара компаниите и синдикатите да најдат компромис.
Британија е заглавена во серија штрајкови на работници - од машиновозачи до медицински сестри и службеници за гранична контрола кои протестираат против понудите за зголемување на платите изедени од инфлацијата. Како одговор, конзервативната влада планира нова легислатива за да ги принуди работниците во клучните сектори да ги задржат нивоата на услуги за време на штрајк.
Bloomberg
Заради ефектот кој последниот штрајк го имаше врз услугите, денешниов ден од шефовите во железницата е наречен „трагичен четврток“. Се случува во време на четиридневни одвоени штрајкови на друг синдикат во железницата. Иако тој синдикат денеска технички не штрајкува, службите не можат да работат заради акција на Аслеф.
Ефектот е потежок отколку во деновите погодени од претходните штрајкови. Лондон Бриџ, Викторија и Сити Темслинк немаат никакви услуги. Ниту, пак, ги има на главната линија на Западниот брег што го поврзува Лондон со Бирмингем, Манчестер и Глазгов. Некои железнички оператори обезбедуваат значително намалени услуги.
Патниците кои патуваат до и од аеродромот Гетвик ќе треба да патуваат со автобус. Сепак, повеќето од автобуските услуги на центарот што ги води National Express Group Plc веќе се распродадени. Нема возови до аеродромот Лутон.
Автобуските линии во западен и јужен Лондон се во застој, бидејќи штрајкот на Абелија продолжува втор ден.
Аслеф сега има мандат да преземе дополнителни штрајкови до јуни. Разговорите меѓу шефовите на синдикатот, министрите и директорите на железничките претпријатија се очекува да продолжат на почетокот на следната недела.
.webp){kind=icon}
