.webp){kind=icon}
Борбата на Европската централна банка (ЕЦБ) со инфлацијата би можела да заврши за половина година, бидејќи креаторите на политиките би можеле да запрат со зголемувањата на каматните стапки уште во јули, покажува анкетата на „Блумберг“ направена меѓу економистите.
Стапката на депозити ќе се зголеми до максимум 3,25 отсто, од сегашното ниво од два отсто, во три чекори. Истражувањето покажува зголемување од 50 базични поени во два наврата, на состаноците во февруари и март, и уште едно зголемување од 25 базични поени во мај или јуни. Прогнозите покажуваат намалување на каматната стапка на три отсто во јули.
Анкета на „Блумберг“ меѓу економистите спроведена од 9 до 12 јануари
Ваквото сценарио би било драстичен пресврт на настаните, што во моментов ЕЦБ не го предвидува. Повеќето од функционерите на банката мислат дека стапките ќе останат на таканаречената терминална стапка и сè уште никој не побарал ниво намалување
Бидејќи растот на цените во еврозоната забавува, а потрошувачите се помалку загрижени, креаторите на политиките се фокусираат на намалување на базичната инфлација, која достигна рекорд минатиот месец, бидејќи вкупната инфлација, која ги опфаќа и повисоките трошоци за енергија, храна и платите, се намалува.
Анкета на „Блумберг“ меѓу економистите спроведена од 9 до 12 јануари
„Сè додека базичната инфлација не го достигне врвот, промената на вкупната инфлација нема да ја промени нашата определба“, рече шефот на австриската централна банка Роберт Холцман минатата недела.
Анкетираните економисти прогнозираат дека показателот на основните цени - кој ги исклучува храната, енергијата и другите нестабилни ставки - достигнува врв во просек од 5,1 отсто овој квартал, пред да се повлече на 3,5 отсто во последните три месеци од 2023 година.
Се очекува вкупната инфлација да падне од 8,5 на 3,7 отсто во тој период.
