Економијата во еврозоната не успеа да порасне кон крајот на 2022 година, бидејќи резултатите во Германија и Ирска беа полоши од очекуваните и помогнаа да се намалат почетните прогнози за растот.
Бруто домашниот производ во последните три месеци е непроменет во однос на претходниот квартал од минатата година – што е полошо од прелиминарната проценка за пораст од 0,1 отсто - покажаа податоците објавени од Еуростат денеска.
Bloomberg
Додека потрошувачката и инвестициите на домаќинствата се намалија, владините трошоци и трговијата помогнаа да се компензира падот. Германската економија, најголемата на континентот, падна за 0,4 отсто, додека ирската порасна значително помалку од првично објавеното.
Иако е помрачна отколку што се мислеше, стагнацијата значи дека блокот сè уште може да ја избегне рецесијата што се сметаше за неизбежна откако Русија ја нападна Украина. Гледајќи напред, аналитичарите прогнозираат пад во првиот квартал бидејќи растечките трошоци на живот продолжуваат да ги оптоваруваат потрошувачите.
Инфлацијата останува проблем. Базичната инфлација минатиот месец се зголеми на рекордни 5,6 отсто, иако падот на трошоците за енергија помогна да се намали главната бројка четврти месец по ред.
Bloomberg
Европската централна банка треба да ги зголеми трошоците за задолжување за уште половина поен кога ќе се состане следната недела, што ќе придонесе за најагресивното стегање во историјата. Веројатно ќе има уште во наредните месеци, а се очекува досегашните мерки оваа година да влијаат на резултатите со целосна сила.
.webp){kind=icon}
