Тензиите меѓу САД и Иран дополнително ескалираа на почетокот на неделава откако двете страни извршија нова серија меѓусебни напади, а истовремено продолжија спротивставените тврдења околу безбедноста на пловидбата низ Ормускиот Теснец - еден од најважните светски енергетски коридори. Акциите и државните обврзници паднаа во понеделникот откако новите американски напади врз Иран ги зголемија цените на нафтата и ги поттикнаа облозите за зголемување на каматните стапки од страна на Федералните резерви.
Претседателот Доналд Трамп изјави дека САД повторно ќе воспостават блокада на иранските бродови што минуваат низ Ормускиот Теснец и побара надомест од 20 отсто за целиот преостанат товар што се транспортира по овој пловен пат. Според предлогот, при цена на нафтата од околу 80 долари за барел, надоместокот за супертанкер што превезува приближно два милиона барели сурова нафта би изнесувал околу 30 милиони долари.
Нафтата во текот на неделата надмина 85 долари за барел, повторно разгорувајќи ги загриженостите за инфлацијата.
Прочитајте повеќе:
Сите ќе можеме полесно да произведуваме струја, ама ќе издржи ли мрежата?
Клима–уреди и топлотни бранови - решение или зголемување на проблемот
ББА анализа: Како центрите за податоци станаа главен двигател на индустријата за климатизација
Разгорувањето на конфликтот на Блискиот Исток ги натера аналитичарите анкетирани од „Блумберг“ да ги намалат своите прогнози за растот во еврозоната за 2026 година на 0,5 проценти. Тоа е пониско од 0,7 проценти предвидени минатиот месец и проекцијата од 0,8 проценти во основната линија на Европската централна банка.
Слична промена на мислењата имаше и кај домашните економски аналитичари анкетирани од Народната банка, но во однос на инфлацијата. Испитаниците очекуваат дека просечната стапка на инфлација ќе изнесува 4,2 проценти во 2026 година (3,6 проценти во претходната анкета) и 3,4 проценти во 2027 година (3 проценти во претходната анкета). Тие очекуваат дека просечната стапка на инфлација ќе забави уште повеќе и во 2028 година ќе се сведе на 2,9 проценти (2,7 проценти во претходната анкета).
Анализиравме како каматите на Фед и ЕЦБ влијаат на инфлацијата, кредитите, акциите и обврзниците и зошто инвеститорите го префрлаат капиталот од ВИ гигантите кон малите компании. Откривме дека бројот на активно население во Македонија лани изнесувал 796.399 лица, што е помалку за 158.525 лица во однос на 2015 година кога оваа бројка изнесувала 954.924 лица.
Нашето регионално истражување покажа дека од Љубљана до Скопје, компаниите сѐ потешко наоѓаат возачи, ѕидари, армирачи, заварувачи, готвачи и келнери. Работниците од Непал, Индија, Бангладеш и Филипини стануваат неизоставен дел од економиите во регионот, кои се соочуваат со двоен предизвик: стареење на населението и натамошно иселување на домашната работна сила.
.webp){kind=icon}
