Европската централна банка (ЕЦБ) не завршила со зголемувањето на трошоците за задолжување бидејќи базичната инфлација покажува неочекувана издржливост, изјави за „Де Тијд“ (De Tijd) членка на Извршниот одбор на ЕЦБ, Изабел Шнабел.
„Има уште што треба да се направи“, рече таа. „Колку повеќе ќе треба да се зголемат стапките ќе зависи од податоците што ќе пристигнат“.
Говорејќи една недела пред состанокот на ЕЦБ во Франкфурт, на кој ќе биде одреден следниот чекор на централната банка, Шнабел истакна дека базичната инфлација - која ги исклучува категориите како што се храната и енергијата - „е упорна и постојано висока, при што услужниот сектор игра клучна улога поради релативно силното влијание на трошоците за плати врз инфлацијата во овие сектори“.
Bloomberg Chartmaker
ЕЦБ веќе ги зголеми каматните стапки за 375 базични поени од јули, а официјалните лица се очекува да направат уште две зголемувања од четвртина процентен поен овој и следниот месец. Некои централни банкари, исто така, сугерираат дека можеби ќе биде потребно уште едно покачување во септември.
„Тоа што базичната инфлација го достигна врвот не е доволна причина да се прогласи победа: треба да видиме убедливи докази дека инфлацијата се враќа на нашата цел од два проценти“, рече Шнабел. „Сè уште не сме таму“, заклучи таа.
.webp){kind=icon}
