Економската доверба во еврозоната дополнително се намали

Економската доверба во еврозоната забави повеќе од очекуваното овој месец, што дополнително ги засени изгледите за регионот.

Индикаторот на расположението објавен од Европската комисија падна на 93,3 од 94,5 во јули. Тоа е четврти месечен пад и полош од просечната прогноза во анкетата на економистите на „Блумберг“.

Bloomberg

Намалени се и подиндикаторите за услугите, индустријата и очекувањата на потрошувачите.

Показателите за третиот квартал досега беа лоши, при што индексот за месечното движење на активностите во производствениот сектор минатата недела сигнализираше забавување во еврозоната и нејзините две најголеми економии.

Доказите за економската слабост ќе обезбедат муниција за сите креатори на политиката во Европската централна банка кои се противат на потенцијалното зголемување на каматните стапки во септември. Нивните колеги со спротивно мислење пак, предупредуваат дека инфлациските притисоци може да бидат премногу силни за да ризикуваат пауза во затегнувањето.

Во моментов нема коментари за веста. Биди прв да коментира...

Остави коментар