Добри вести за еврозоната од Франција и Шпанија

Индустриското производство во Франција и Шпанија беше посилно од очекуваното во јули годинава, истакнувајќи некои точки на издржливост во економијата на еврозоната додека Германија продолжува да се мачи.

Засилено од автомобилскиот и фармацевтскиот сектор и закрепнувањето на комуналните услуги и енергијата, француското производство се зголеми за 0,8 проценти на месечно ниво откако падна во јуни. Економистите анкетирани од „Блумберг“ очекуваа раст од само 0,1 проценти.

Во меѓувреме, Шпанија објави пораст од 0,2 проценти, пркосејќи им на очекувањата за пад.

Бројките ја вратија довербата на европските компании кои се справуваат со долготрајните предизвици од енергетската криза, слабата побарувачка во Кина и зголемените каматни стапки.

Германската економија го чувствува целиот товар од тие тешкотии и се очекува да се намали оваа година. Индустриското производство таму падна трет месец по ред во јули, главно поради намалувањето кај капиталните трошоци и кај стоките за широка потрошувачка.

Франција, втората по големина економија во еврозоната, се смета дека ќе избегне рецесија во 2023 година по силните перформанси во вториот квартал. Но, статистичката агенција „Инси“ (Insee) во четвртокот објави дека растот значително ќе забави во остатокот од годината.

 

 

Во моментов нема коментари за веста. Биди прв да коментира...

Остави коментар