Во август сезонски приспособеното индустриско производство во еврозоната порасна за 0,6 отсто во однос на претходниот месец, а исто толку порасна и во целата Унија, објави во петокот „Евростат“.
Во споредба со ланскиот август, индустриското производство падна за 5,1 отсто во еврозоната и 4,4 отсто во Европската Унија.
Во однос на јули, во еврозоната е зголемено производството на трајни производи за широка потрошувачка за 1,2 отсто, на нетрајни производи за широка потрошувачка за 0,5 отсто и на капитални производи за 0,3 отсто, додека производството на интермедијарни производи е намалено за 0,3 отсто, а на енергија за 0,9 проценти.
Во цела ЕУ производството на трајни производи за широка потрошувачка исто така порасна за 1,2 отсто, на нетрајни производи за широка потрошувачка за 0,7 отсто и на капитални производи за 0,1 отсто, додека производството на интермедијарни производи опадна за 0,2 отсто, а на енергија за 0,5 отсто.
Меѓу земјите-членки за кои се достапни податоци, најголеми месечни зголемувања се забележани во Ирска со 6,1 отсто, во Словачка со 4,5 отсто и во Литванија со 3,7 отсто. Најголем пад е забележан во Унгарија за 2,4 отсто, во Хрватска за 2,2 отсто и во Белгија за 1,8 отсто.
Ирска забележа најголем годишен пад
Евростат
Во еврозоната во август 2023 година, во однос на август 2022 година, производството на трајни производи за широка потрошувачка е намалено за 7,2 отсто, на капитални производи за седум отсто, на енергија за 6,3 отсто, на интермедијарни производи за 5,2 отсто, а на нетрајни производи за производи за широка потрошувачка за 1,4 отсто.
Во ЕУ производството на трајни производи за широка потрошувачка падна за 7,3 отсто, на енергија за 6,7 отсто, на интермедијарни производи за 5,5 отсто, на капитални производи за 5,2 отсто, додека производството на нетрајни производи за широка потрошувачка остана стабилно.
Меѓу земјите-членки за кои се достапни податоци, најголем годишен пад е забележан во Ирска од 27,3 отсто, во Словенија од 12,3 отсто и во Естонија од 11,9 отсто. Најголем пораст е забележан во Словачка за 4,7 отсто, во Данска за 3,5 отсто и во Малта за три отсто.
.webp){kind=icon}
