.webp){kind=icon}
Европската централна банка (ЕЦБ) нема да ги намали каматните стапки до септември 2024 година, покажа новата анкета на економистите, што сугерира дека се разбираат пораките на креаторите на политиката дека кратењата нема да се случат наскоро.
Резултатите од последното истражување на „Блумберг“ се разликуваат од претходниот круг, кога испитаниците очекуваа намалување на каматните стапки во март. Второ намалување се очекува во октомври.
Bloomberg
Истражувањето се совпаѓа со коментарите на претставници на ЕЦБ што последните денови зборуваа на маргините на годишните состаноци на Меѓународниот монетарен фонд во Маракеш. Членот на Советот на гувернери Мартинс Казакс рече дека актуелните економски проекции не се усогласени со намалувањето на каматните стапки во првата половина на 2024 година, а за втората половина од годината рече дека ќе види.
Гувернерот на словенечката централна банка, Боштјан Васле, рече дека зголемените стапки на обврзниците покажуваат дека инвеститорите прифаќаат дека ќе биде потребен „подолг период на повисоки каматни стапки“ за инфлацијата да се врати на целта од два процента.
Аналитичарите анкетирани од „Блумберг“ сепак очекуваат умерен раст на цените од 2,7 отсто следната година и 2,1 отсто во 2025 година. Сепак, се очекува помал економски раст во споредба со претходните проекции. Според истражувањето, растот ќе се зголеми на 0,7 отсто следната година, по 0,5 отсто во 2023 година.
