Пад на продажбата на ‚Мерцедес‘ од 16 проценти

„Мерцедес“ (Mercedes-Benz Group AG) продаде 16 проценти помалку автомобили во текот на вториот квартал од годинава поради ефектите од пандемијата од Ковид и продолжениот недостиг на полупроводници продолжија да го нарушуваат производството.

Испораките во Кина, најголемиот пазар на автомобили во светот, се намалија за 25 проценти, додека продажбата во Европа падна за 10 проценти, соопшти производителот на автомобили со седиште во Штутгарт.

„Ги правиме сите напори да ги исполниме очекувањата на клиентите, и покрај тековните ограничувања за снабдување“, рече Брита Сигер, член на управниот одбор одговорен за маркетинг и продажба.

Автомобилската индустрија сè уште ја чувствува болката од прекините на синџирот на снабдување и недостигот на компоненти како што се полупроводниците, особено во услови на широка транзиција кон електрични возила кои се зависни од сè пософистициран софтвер. „БМВ“ (BMW AG) минатата недела соопшти дека неговата продажба се намалила за речиси 20 проценти во вториот квартал.

Тековните проблеми со синџирот на снабдување би можеле да го загрозат планот на „Мерцедес“ да го намали бројот на возилата од пониските нивоа со цел да се фокусира на автомобили од повисока класа кои обезбедуваат поголем профит. „Мерцедес“ рече дека недостигот на чипови придонел за пад на продажбата од 16 проценти во врвната категорија на луксуз.

Продажбата на електрични возила беше светла точка во извештајот на „Мерцедес“, при што неговата продажба се удвои на 23.500 единици во споредба со истиот период минатата година. Во првата половина од годината, продажбата на електрични возила на брендот се зголеми на 45.400 примероци - што претставува зголемување од 134 проценти.

„Електричната рампа нагоре добива на сила. Тоа покажува дека ние нудиме привлечни електрични возила што ги посакуваат нашите клиенти.“, рече Сигер.

Во моментов нема коментари за веста. Биди прв да коментира...

Остави коментар