Целосното заздравување на економијата во еврозоната чии проблеми беа предизвикани од пандемијата ќе биде побавно од очекуваното, додека инфлацијата ќе биде побрза поради војната на Русија во Украина, пишува во нацрт-проекциите на Европската комисија.
Со зголемените цени што ја намалуваат побарувачката и опасноста од недостиг на енергија на зима, а тоа пак ја намалува довербата, се очекува бруто домашниот производ веројатно да расте со стапка од 2,6 отсто оваа година и 1,4 проценти во 2023 година.
Bloomberg Chartmaker
Тоа е помалку од мајските предвидувања за раст кога се очекуваше 2,7 отсто и 2,3 отсто. Bloomberg имаше увид во нацрт проекциите и според нив се зголемуваат и очекувањата за инфлацијата за ова и за следната година. Во претходните проекции се очекуваше за 2022 година инфлација од 6,1 отсто сега проекцијата е зголемена на 7,6 проценти. За следната наместо првично проектираните 2,7 отсто се очекува инфлација од 4 проценти.
Bloomberg
Овие проекции сепак може да се променат пред да бидат официјално објавени во четврток.
И покрај тоа што сè уште се предвидува економска експанзија во валутниот блок од 19 земји, влошената перспектива нема да направи малку за да ги отфрли стравувањата дека е на пат рецесија, особено затоа што Кремљ ги ограничува испораките на природен гас за да и возврати на Европа поради санкциите.
Додека потрошувачите излегоа од пандемијата преполни со заштеди и зголемена желба за патување, тој мотор на раст веројатно ќе избледи како што летото ќе заврши и ќе се појави реалноста на енергетската криза.
Производителите во Германија, најголемата економија на континентот и меѓу најзависните од рускиот гас, се соочуваат со големи пореметувања, кои ќе бидат уште поголеми доколку енергијата треба да се рационализира.
Чувството на инвеститорите во изгледите на земјата е на најниско ниво од должничката криза во Европа.
Некои економисти сметаат дека рецесијата во Европа е неизбежна, дури и без Кремљ да го запре снабдувањето со енергија, а инфлацијата, исто така, најверојатно ќе остане покачена. Тоа ја комплицира задачата на Европската централна банка, која штотуку го започнува првото зголемување на каматните стапки по повеќе од една деценија.
.webp){kind=icon}
