Швајцарската национална банка (СНБ) првпат ќе ги намали каматните стапки во септември, а тоа е едно од двете намалувања што ќе се случат следната година, предвидуваат економистите анкетирани од „Блумберг“.
СНБ ќе ги остави цените за задолжување на 1,75 отсто до тоа прво намалување од 25 базични поени, по што референтната каматна стапка ќе биде 1,5 отсто, покажуваат резултатите од истражувањето спроведено од 1 до 7 декември. По ова ќе следуваат две исти намалувања во декември 2024 и март 2025 година.
Некои економисти очекуваат дека СНБ ќе почне да ги намалува стапките и порано. Аналитичарите на УБС (UBS) минатата недела рекоа дека очекуваат СНБ да ги намали стапките за првпат уште во јуни. За Мартин Луек од „Блекрок“ (BlackRock), можна опција е и март.
Каматна стапка на депозитите во Швајцарија (сивиот правоаголник претставува проекција)
Bloomberg
Со оглед на тоа што инвеститорите се фокусираат на намалување на стапките низ светот, претседателот на СНБ, Томас Џордан, најверојатно ќе биде прашан токму за тоа од страна новинарите на прес-конференцијата в четврток. Тогаш централните банкари на Швајцарија се состануваат за да одлучат за промена на монетарната политика, последен пат годинава.
Од јуни инфлацијата во Швајцарија е во рамките на целта на централната банка (од нула до два процента), а економистите очекуваат растот на цените да остане во тој опсег во текот на 2024 година.
Ова е пооптимистички од ставот на швајцарските централни банкари, кои мислат дека инфлацијата ќе оди над таа граница во текот на следната година. Меѓутоа, таа проекција сега е стара три месеци, а проекциите што ќе бидат објавени в четврток може да бидат помали.
.webp){kind=icon}
Во моментов нема коментари за веста. Биди прв да коментира...