Европската централна банка (ЕЦБ) четврти пат по ред очекувано одлучи да го задржи нивото на референтните каматни стапки. Додуша, реториката е минимално променета и порасна шансата да започне циклус на намалување на каматите во шестиот месец од 2024 година.
Инфлациските очекувања за 2024 и 2025 година се ревидирани надолу поради попуштањето на цените на енергијата, што дава оптимизам на пазарите на капитал за почеток на намалување на каматните стапки. Пред вчерашната одлука, пазарите вградија 70 проценти шанси дека ќе дојде до намалување на каматните стапки во јуни, додека по прес-конференцијата на гувернерката Кристин Лагард дојде до зголемување на 80 проценти.
Берзите ја поздравија ваквата одлука, па индексот Eurostoxx 50 порасна за 1,2 отсто, тренд што го следеа и другите европски индекси. Исто така, позитивното расположение ги позелене и пазарите на обврзници, каде што приносите на најликвидните емисии, оние со рок на достасување од 10 години, како Германија, Италија и Шпанија, паднаа во просек за повеќе од 5 базични поени.
Прочитај повеќе
Нагел од ЕЦБ: Растат шансите за намалување на стапките пред летната пауза
„Постои зголемена веројатност дека би можеле да видиме намалување на каматните стапки пред летната пауза“, рече претседателот на Бундесбанк.
08.03.2024
ЕЦБ ги задржа стапките непроменети, послабата инфлација навестува намалување
Европската централна банка ги задржа каматните стапки непроменети на четврти состанок по ред.
07.03.2024
Аналитичари: ЕЦБ ќе остане претпазлива, ризик се високите плати
Состанокот на Европската централна банка е денеска.
07.03.2024
ЕЦБ стравува од предвремено намалување на каматните стапки
Стапката на инфлација ќе се намали побрзо отколку што очекува Европската централна банка.
22.02.2024
ЕЦБ: Постепеното намалување на каматите е најдобро решение
ЕЦБ ќе ги намали стапките во одреден момент оваа година, вели Вилерој од Управниот совет на ЕЦБ
16.02.2024
Со оглед на позитивното расположение поврзано со ублажувањето на инфлацијата, сметаме дека најверојатно ЕЦБ ќе започне со намалување на стапките кон средината на годината. Одржувањето на изборите за ЕУ во јуни би можело да ја турне одлуката за првото намалување на стапката во седмиот месец. Движењето на платите ќе биде главниот фокус на ЕЦБ, а неочекуваниот силен тренд на растот на платите може да го одложи почетокот на намалувањето на стапките. Конечно, шестмесечниот Еурибор ќе се намали кон 3 отсто до крајот на 2024 година.
.webp){kind=icon}
Во моментов нема коментари за веста. Биди прв да коментира...