Air France-KLM планира да ги зголеми капацитетите блиску до нивото од 2019 година кон крајот на годината односно подоцна од тоа што беше претходно планирано, по борбата со зголемената побарувачка во врвот на сезоната.
Француско – холандскиот превозник ќе опреира со 80 до 85 отсто од летовите пред пандемијата во овој период што е намалување во однос на прогнозата од мај која изнесуваше 90 отсто. Тоа ниво се очекува да биде достигнато во последните три месеци од 2022 година.
Авиокомпанијата пријави нето приходи од 324 милиони евра за вториот квартал, што е подобро од планираното. Ова е прв позитивен финансиски резултат на групацијата од 2019 година.
Заработувачката се зголеми заради растот на побаруваачката за авионски патувања што ја прегреа индустријата, посебно во Европа каде има недостиг на персонал и штрајкови кои создаваат хаос.
„Силното зарепнување што го гледаме летово ја става на тест целата авиоиндустрија“, вели извршниот директор Бен Смит додавајќи дека прекини ќе има и натаму заради недостигот на персонал. Групацијата ќе плати околи 70 милиони евра за да ги покрие трошоците на патниците кои останаат без летови.
Air France-KLM овој месец откажуваше летовите на нискобуџетскиот авиопрезвоник Трансавиа заради штрајк, додека францускиот оддел ги намали операциите во Париз заради недостиг на персонал. Проблеми имаше и во одделот во Амстердам.
Сообраќајот во Северна Америка пак, цвета заради силниот долар. Нивоата се над тие од 2019, вели финансискиот дирекрор, Стивен Зат.
Групацијата се обидува да воспостави рамнотежа во ваква ситуација за да ја врати државната помош што ја користеше за време на пандемијата.
Превозникот се обидува да врати три четвртини од помошта до крајот на годината со што ќе ги тргне правилата за работа наметнати од Европската Унија.
.webp){kind=icon}
Во моментов нема коментари за веста. Биди прв да коментира...