Претстојните избори и зголемената инфлација во услужниот сектор ја принудија Банката на Англија (БоЕ) да ги задржи каматните стапки на сегашното ниво. Централните банкари од Лондон одлучија дека е рано за монетарно олеснување, па референтната каматна стапка сè уште е на највисоко ниво во последните 16 години, од 5,25 отсто.
Податоците за инфлацијата објавени во средата им дадоа аргументи на централните банкари да го одложат намалувањето и да чекаат повеќе податоци за движењата на цените. Дополнителна придобивка е што централните банкари можат да избегнат какви било политички импликации на претстојните избори, на кои се очекува партијата на премиерот Риши Сунак да го изгуби мнозинството.
Bloomberg Mercury
Иако инфлацијата во Обединетото Кралство во мај падна под целта на БоЕ од два процента за првпат по речиси три години, инфлацијата во услужниот сектор е далеку од целта на централната банка.
Bloomberg Mercury
Деветчлениот комитет за монетарна политика на БоЕ се подели со 7-2 за одлуката да ги задржи стапките непроменети во мај, при што Дејв Рамсден и Свати Дингра гласаа за намалување за четвртина поен.
Ова е последниот состанок на заменик-гувернерот Бен Бродбент, а „Блумберг економикс“ очекува неговата замена Клер Ломбардели да биде поискусна.
Што вели „Блумберг економикс“...
„Уште едно посилно од очекуваното отчитување на инфлацијата за услугите ќе направи Банката на Англија да биде претпазлива околу тоа колку брзо ја олеснува монетарната политика годинава. Сè уште мислиме дека падот на вкупната инфлација на два отсто гарантира намалување во текот на летото - веројатно во август“.
- Ден Хансон и Ана Андраде, „Блумберг економикс“
.webp){kind=icon}
