.webp){kind=icon}
Бројот на компании кои прогласиле банкрот во Европската унија во второто тримесечје од 2024 година се зголемил за 3,1 проценти во однос на првиот квартал, додека бројот на регистрации на нови фирми во истиот период се намалил за 2,1 проценти, соопшти Евростат.
Најголем раст на бројот на банкроти од 3,8 проценти е забележан во градежниот сектор, потоа во финансиските дејности (2,6 проценти), трговијата (2,4 проценти) и индустријата (1,6 проценти).
Наспроти ова, бројот на банкроти во ЕУ опаднал во секторите информации и комуникации за 4,8 проценти, транспортот (1,6 проценти), угостителството (1,1 процент) и во образованието и социјалните дејности (еден процент).
Тренд на опаѓање на регистрирање нови компании во ЕУ е забележан во сите сектори. Најголем пад е забележан во трговијата (4,7 проценти), потоа следат индустријата (3,6 проценти) и образованието и социјалните дејности (3,4 проценти).
