Заради растот на домашните трошоци за струја, вработените во лондонскиот Сити оваа зима повеќе би сакале да работат од канцеларите отколку од дома.
Тие кои би сакале да одат во канцеларија секој ден би можеле да заштедат околу 50 фунти неделно вo јануари иданата година во случај да се определат за одење, трчање или возење велосипед до работа. Тоа е пресметка во случај да не ги греат домовите по цел ден.
Тие кои би сакале да работат од дома би можеле да очекуваат дека ќе плаќаат по 175 фунти неделно повеќе. Во случај да одат на работа и помалку да трошат енергија, со плаќање на карта за подземната железница во четвртата зона би потрошиле околу 160 фунти, или би заштедителе околу 15 фунти неделно.
За оние кои користат автобус, таквиот вкупен трошок неделно би изнесувал околу 140 фунти.
Според проценките, просечните сметки за енергија во домаќинствата во текмот на јанури ќе изнесуваат 683 фунти за оние кои работат од дома, и 492 фунти за тие кои ќе одат во канцеларија. Се претпоставува дека со работа од дома дневно се троши 25 отсто повеќе струја и 75 отсто повеќе гас, вклучувајќи го и греењето.
„Луѓето навистина ќе имаат потешкотии да ги стоплат домовите и ќе бараат топлина на друго место, без разлика дали е тоа книжарница, црква или работното место. Ваквите опции луѓето сигурно ќе ги разгледуваат“, вели Matt Copeland од здружението National Energy Action кое се бори против енергетската сиромаштија.
Во Ситу, враќањето во канцелариите ќе го поздрават шефовите затоа што во моментов само малку помалку од половината од вработените во британскиот банкарски сектор и дури 18 отсто од врботени во осигурителниот сектор одат во канцелариите.
.webp){kind=icon}
