Трговците ги зголемија облозите дека Европската централна банка (ЕЦБ) ќе преземе похрабри дејствија за да ги скроти високите цени додека еврозоната се бори со рекордни цени на енергијата, влошени од руската војна во Украина.
Инвеститорите на финансиските пазари во однос на затегнувањето на политиките целат на процентен поен до октомврискиот состнок, што би ја зголемило стапката на депозитите до еден отсто, според своповите поврзани со датумот на одлука. Ова е прв пат трговците да се обложуваат на зголемување од ваков размер.
Bloomberg
Стравувањата од инфлацијата предизвикана од цените на енергенсите не се грижа само за еврозоната. Трговците исто така се обложуваат на многу голем раст на каматната стапка на Британската централна банка, односно дека двојно ќе се зголеми до крајот на годината, на 3,5 отсто. Пред само десетина дена се очекуваше дека каматната стапка во декември ќе порасне за 0,125 базични поени.
ЕЦБ ја прекина својата традиција однапред да дава сигнали за зголемувањето на стапките, кога трошоците за задолжување беа зголемени за половина поен минатиот месец, велејќи дека наместо тоа ќе биде применет пристап „од состанок до состанок“.
Иако трговците целат на поагресивно затегнување во блиска иднина, облозите сепак покажуваат дека ЕЦБ последователно ќе го забави темпото на зголемување на стапките во 2023 година. Во овој поглед, прогнозите се дека каматните стапки ќе достигнат два отсто дури до септември следната година.
Во справувањето со зголемената инфлација, ЕЦБ ќе мора да ги земе предвид и влошените економски изгледи за еврозоната. Производството во 19-члената еврозона опадна бидејќи рекордната инфлација на енергијата и храната ја намалува побарувачката, а помрачувањето се проширува на повеќе сектори.
.webp){kind=icon}
