Германската економија поотпорна од очекувањата во вториот квартал

Германската економија се покажа поотпорна во вториот квартал отколку што првично се очекуваше и оствари раст од 0,1 отсто и покрај згоемената инфлација и војната во Украина.

Статистичките податоци покажуваат малку подобри резултати од прелиминарната проценка за стагнација во вториот квартал, иако нема многу да помогне да се растераат стравовите околу изгледите за најголемата европска економија.

Експанзијата беше поттикната од државните расходи, а придонесува и потрошувачката на домаќинствата. Но, економскиот раст го носат спротивставени ветрови, бидејќи Русија ги намалува испораките на природен гас, а зголемените цени ги загрозуваат домаќинствата и компаниите.

Германската централна банка, Бундесбанк, соопшти дека производството во третиот квартал ќе стагнира, додека значително е зголемен ризикот од затегање во последниот квартал од оваа година и првиот квартал од наредната.

Инфлацијата, пак, може да достигне околу 10 отсто кон крајот на годината. Додека земјата брза да ја намали зависноста од рускиот природен гас, кредитната агенција S&P Global ја истакна Германија како слаба алка во еврозоната.

Во моментов нема коментари за веста. Биди прв да коментира...

Остави коментар