.webp){kind=icon}
Во вториот квартал од 2022 година, трошоците за работна сила по час пораснаа за 4 проценти во еврозоната и за 4,4 проценти во ЕУ во однос со истиот квартал од претходната година, објави „Евростат“.
Двете главни компоненти на трошоците за работна сила се платите и хонорарите и трошоците кои не влагуваат во плата. Во еврозоната, платите и хонорарите за работен час се зголемени за 4,1 проценти, додека останатите трошоци пораснаа за 3,8 проценти во вториот квартал на 2022 година, во споредба со истиот квартал од претходната година. Во ЕУ, саатниците се зголемија за 4,5 проценти, а останатите трошоци за 4,1 проценти во вториот квартал од 2022 година.
Во вториот квартал од 2022 година во споредба со истиот квартал од претходната година, трошоците за работна сила по час во еврозоната пораснаа за 2,2 проценти во индустријата, 2,8 проценти во градежништвото и 4,9 проценти во услугите. Во ЕУ, цената на трудот по час порасна за 2,9 проценти во индустријата, 3,3 проценти во градежништвото и 5,3 проценти во услугите.
Во ЕУ, економските активности кои забележаа највисоки годишни зголемувања на трошоците за час „рударство и вадење камен“ (+6,9 проценти), „административни и помошни услужни дејности“ (+6,6 проценти), „професионални, научни и технички дејности“ (+6,3 проценти) и „активности за сместување и услуги за храна“ (+6 проценти).
Во вториот квартал од 2022 година во споредба со истиот квартал од претходната година, највисоко е зголемувањето по час во Унгарија (+14,9 проценти) и Бугарија (+14,6 проценти). Уште четири земји-членки на ЕУ забележаа пораст над 10 проценти: Литванија (+12,4 проценти), Романија (+11,7 проценти), Полска (+11,1 проценти) и Естонија (+10,1 проценти). Спротивно на тоа, најниско е зголемувањето на трошоците за саатници за целата економија евидентирано во Грција (+0,8 проценти).
