Цените на земјоделските производи на годишно ниво во септември поскапеле за 9,7 отсто, покажуваат податоците од Државниот завод за статистика. Покачувањето на цените е поизразено кај добиточното производство, каде што годинава во септември се за 19,6 отсто повисоки од истиот месец лани, додека кај растителното производство разликата во цените на аутпутот на годишно ниво е 5,8 проценти.
Прочитај повеќе
Оризопроизводителите на протест: откупните цени се пониски од производните
Производната цена за килограм арпа изнесува 27 денари, а откупот се одвива по цени од 22 до 25 денари
11.10.2022
При тоа, кај растителното производство најголем раст на цените Статистика пресмета за компирите, кои поскапеле за 38,2 отсто на годишно ниво. Следуваат житата и оризот, чија цена е покачена за 17,5 проценти, па индустриските растенија, со зголемени цени за 9,3 отсто. Пад на цената на аутпутот е пресметана единствено за добиточните растенија, чие намалување е незначително, за 0,2 отсто.
Кај добиточното производство, производите од животинско потекло поскапеле за 28,2 отсто, а добитокот за колење за 8,3 проценти.
Но, не поскапуваат само аутпутите од земјоделството, туку значајно се зголемени и инпутите потребни за нивно производство. На годишно ниво цените на вкупните инпути поскапеле за 22,5 отсто. При тоа, најголемо е поскапувањето кај минералните ѓубрива за 57,3 отсто и енергијата и горивата за 36,5 отсто. Добиточната храна е поскапа за 14,8 проценти, одржувањето на опремата за 12,8 отсто, а останатите стоки и услуги за 20,7 проценти.
Трошоците за средствата наменети за инвестиции во земјоделството се зголемиле за 10,7 отсто и тоа најмногу зградите за 21,1 отсто, машините и опремата за 5,7 проценти и транспортната опрема за 2,8 отсто.
.webp){kind=icon}
