Руската агресија врз Украина доведе до големи промени во остатокот од Европа. Меѓудругото, се забрзаа многу процеси кои во мирнодопски услови би се развивале многу порелаксирано.
Еден пример за ова забрзување е лансирањето на заеднички енергетски проект на Данска, Германија, Белгија и Холандија во Северното Море.
На самитот на Северното Море во Есбјерг, германскиот канцелар Олаф Шолц, холандскиот премиер Марк Руте и белгискиот премиер Александер Де Кро заедно потпишаа декларација со данската премиерка Мете Фредериксен со која поставија амбициозна цел за четирикратно зголемување на вкупниот капацитет на ветроелектрани на море, на четирите земји до 2030. Исто така, целта е да се зголеми вкупниот капацитет на ветерот на море на најмалку 150 GW до 2050 година. Најавуваат дека ќе го направат Северното Море зелена електрана за Европа.
Овие четири земји сакаат да испратат јасен сигнал дека сите земји од ЕУ ќе имаат голема корист од оваа иницијатива.
Руската инвазија на Украина ја доведе ЕУ во неповолна геополитичка ситуација, а потребата за одржливи решенија и повеќе обновливи извори на енергија е поитна од кога било.
Според дански претставници, оваа иницијатива ќе се реализира преку соработка со приватниот сектор, а исто така нагласуваат и дека зелената енергија е сè поконкурентна со фосилните горива.
.webp){kind=icon}