Авионскиот превоз на патници се врати на нивото од 2018 година, но сѐ уште не може да ги достигне резултатите од 2019-та, годината пред корона-кризата. Според последните податоци на Државниот завод за статистика, кои се однесуваат на третото тримесечје од 2022 година, бројот на патници што поминале низ македонските аеродроми во Скопје и во Охрид изнесува 859.446.
Вкупно, за девет месеци од оваа година, бројот на патници што полетале или слетале од скопскиот аеродром и од аеродромот „Свети Апостол Павле“ во Охрид изнесува 1.806.752 и е на нивото од 2018 година.
Според статистиката, во патниот превоз бројот на превезените патници изнесува 866 илјади, во градско-приградскиот превоз 9,5 милиони, во железничкиот превоз 108 илјади патници. Што се однесува до превозот на стока во третото тримесечје од 2022 година, во споредба со третото тримесечје од минатата година, тој е зголемен.
Превозот на стока расте само во овој сегмент. Превозот со воз се намалува и падот во споредба со лани изнесува близу 40 отсто. Карго-превозот е помал за 34,3 отсто.
.webp){kind=icon}
Во моментов нема коментари за веста. Биди прв да коментира...