Директните инвестиции од Македонија во странство минатата година достигнале 82,9 милиони евра, што е рекордна сума во изминативе десетина години. Податоците на Народната банка покажуваат дека во периодот 2013-2021 година вкупните директни инвестиции од земјава во странство изнесуваат 243 милиони евра.
Колку и да звучи неверојатно, македонски компании се јавуваат како инвеститори во земјите од Европската Унија. Разбирливо, земјите од соседството и регионот се главен избор за инвестирање. Меѓу петте држави со најголеми директни инвестиции од Македонија минатата година биле Бугарија, Словенија, Грција, Србија и Албанија.
Кога станува збор за дејностите, македонските компании во странство најмногу инвестирале во трговијата, услугите, производството и други неалоцирани економски активности.
Во однос на видовите директни инвестиции во странство, лани доминираат сопственичкиот капитал и реинветирање на добивката со 71,9 милиони евра, потоа следуваат должничките инструменти со околу 11 милиони евра, вложувања средства на директниот инвеститор во претпријатието во кое се инвестира (7,8 милиони евра), вложувања меѓу хоризонтално поврзани претпријатија (6 милиони евра) и повратни вложувања односно обврски (2,9 милиони евра).
.webp){kind=icon}
