Невработеноста во третото тримесечје во земјава се намали на 14,3 отсто, во споредба со претходните 14,5 проценти во вториот квартал, покажуваат најновите податоци на Државниот завод за статистика. Или, во апсолутна бројка, во периодот од јули заклучно со септември имало 115.266 невработени лица, додека во претходните три месеци таа бројка била за 2.000 поголема, односно невработени биле 117.276 лица.
Намалувањето на процентот на невработеност е резултат на падот на активното население, а не на зголемувањето на бројот на вработени лица. Статистика пресмета дека активното население во третото тримесечје изнесува 808.328 лица, или за 2.000 помалку отколку во второто тримесечје, кога активното население го сочинуваат 810.453 лица.
Според тоа, бројот на вработени лица во земјава е речиси непроменет. Во периодот јули-септември имало 693.062 вработени лица, што е за стотина работници помалку отколку во периодот април-јуни, кога имало 693.177 вработени.
.webp){kind=icon}
