Виктор Андонов, советник за енергетика во кабинетот на премиерот Димитар Ковачевски во денешното гостување на „Блумберг Адрија ТВ“ говореше за актуелниот проблем со долговите за неплатена струја на државните институции и јавните претпријатија.
Тој информира дека со прераспределба на средства од државниот буџет за 2022 година ќе се обезбедат пари за да се платат долговите. Андонов укажа дека дел од долговите се настанати поради поскапувањето на електричната енергија, а дел поради зголемен обем на работа.
Тој соопшти дека Владата не е должна да ги микро-менаџира институциите и претпријатијата бидејќи тие имаат директори, управни и надзорни одбори кои треба да се грижат за нивното секојдневно работење, но дека како основач има право да ја контролира нивната работа и да бара одговорност доколку се утврдат пропусти.
.webp){kind=icon}
