Британските потрошувачи планираат да ги намалат оброците во рестораните и купувањето намирници следната година, откако растот на трошоците за живот се одрази на расположливиот приход.
Консултантската компанија КПМГ соопшти дека речиси две третини од 3.000 анкетирани луѓе чувствуваат потреба да ги намалат трошоците и да заштедат повеќе бидејќи инфлацијата го достигна највисокото ниво во последните четири децении.
Јадењето во ресторани, храната за носење и облеката се работите што луѓето велат дека прво ќе ги намалат, што укажува на послабата побарувачка кај трговците на мало и угостителските бизниси во 2023 година. Третина од луѓето велат дека ќе купуваат помалку производи и ќе се одлучуваат за стоки од сопствен бренд .
„Потрошувачите сè повеќе го менуваат начинот на кој купуваат за да заштедат пари: се префрлаат кај поевтини трговци на мало, купуваат поголеми колични или промотивни производи и го избегнуваат јадењето надвор за вечера“, рече Линда Елет, шефица за потрошувачки пазари во Велика Британија, малопродажба и одмор во КПМГ.
КПМГ откри дека речиси половина од анкетираните користат заштеди за да ги покријат основните трошоци. Таа бројка оди до 80 отсто кај домаќинствата со ниски приходи.
Еден од десет потрошувачи – учесници во анкетата велат дека немаат заштеди, а жителите на Лондон имаат најниски просечни заштеди од 7,725 фунти.
.webp){kind=icon}
