Какви се трендовите кај макроекономските показатели во земјава и регионот Адрија и прогнозите за економскиот раст ќе презентира аналитичкиот тим на „Блумберг Адрија“ во регионалната анализа в понеделник.
Не е тајна дека македонски граѓани имаат имот во Грција и во соседството, но и во прекуокеански земји. Ќе истражуваме колку купуваме недвижности во странство, но и кои македонски компании од градежништвото работат надвор од земјава. Исто така, ќе побараме одговор на прашањето колку странците купуваат недвижности во Македонија.
Во светот одамна се користат монтажни куќи за домување, а тие стануваат сè поприсутни и во Македонија, пред сè како викендички. Следната недела ќе анализираме што се нуди на македонскиот пазар, каков е квалитетот и дали може да се заштеди со изградба на монтажен дом.
Во очекување ЕЦБ повторно да ја зголеми основната камата, како одговор на високата инфлација, ќе анализираме колкаво ќе биде покачувањето и како ќе влијае тоа врз каматните политики. Во таа насока ќе направиме и пресметка колкави се разликите кај каматите за штедење, кај дивидендите и приносите на обврзниците.
Ќе информираме и за последните случувања околу Тикток и како таму и на другите социјални медиуми се заштитени нашите лични податоци.
Неминовно му се навраќаме и на данокот на екстра-профит, односно на данокот на солидарност. Дали воопшто некој ќе го плати?
.webp){kind=icon}
