.webp){kind=icon}
Народната банка на Швајцарија (СНБ) неочекувано ги зголеми каматните стапки за прв пат од 2007 година, во обид да ја напушти битката за посилна национална валута за да се фокусира на инфлацијата која се заканува да излезе од контрола и во ова земја која генерално има пониски стапки на инфлација од тие во Европската Унија.
Централната банка ја подигна основна каматна стапка за 50 базични поени на - 0,25 отсто, драматичен потег што доведе до пораст на франкот за дури 2 проценти во однос на еврото.
Швајцарските креатори на политиката на државата предводени од претседателот Томас Џордан на ваков начин се приклучија на глобалното монетарно затегнување, откако претходно ги зголемија своите прогнози за инфлацијата и соопштија дека можеби ќе бидат потребни повеќе мерки.
Џордан рече дека изгледите за девизниот курс се неизвесни и дека SNB ќе остане „активна“ на девизниот пазар.
„Ние внимателно ќе го следиме развојот на настаните и подготвени сме да ги преземеме неопходните мерки во секоја ситуација“, рече Џордан во говорот по одлуката.
Изненадното зголемување на камтната стапка дојде заедно со промената на изгледот за инфлација, која СНБ сега ја прогнозира со стапка од 2,8 проценти оваа година, 1,9 отсто во 2023 година и 1,6 отсто во 2024 година. Тоа е значително повисоко отколку во март кога предвидуваа 2,1 отсто оваа година и 0,9 проценти во 2023 и 2024 година.
„СНБ беше доволно храбра да ја искористи оваа можност за нормализирање“, изјави за Блумберг Дејвид Кол, главен економист во Јулиус Баер.
Потегот на СНБ дојде само неколку часа откако Федералните резерви на САД ја интензивираа сопствената борба против неконтролираната инфлација со зголемување на каматата од 75 базични поени. Банката на Англија се предвидува да ја зголеми својата референтна стапка подоцна денеска.
Европската централна банка, чии потези ги следи и СНБ најави дека ќе почне да ги намалува стапките следниот месец во еден наврат, па во септември по втор пат.
Ова затегнуваање веќе наиде на тешкотии и раст на приносите на обврзниците во некои земји од еврозоната па ЕЦБ одржа итен состанок вчера.
