17 март 2023, 09:55
Кои се новите трендови во трговската размена во регионот?
Како влијае инфлацијата врз потрошувачката?
Каде одат Македонците на сезонска работа?
Bloomberg
Какви се најновите трендови во надворешнотрговската размена на Македонија и на земјите од регионот Адрија и што се очекува до крајот на годината ќе можете да прочитате во новата анализа на тимот аналитичари на „Блумберг Адрија“ што ќе ја објавиме в понеделник.
Македонија никако не може да излезе од инфлаторниот вител. Ќе истражиме како влијае монетарното затегнување врз потрошувачката од една страна и колку македонски граѓани се принудени да се задолжуваат за да ги покријат зголемените трошоци. Од друга страна ќе видиме како влијае врз инфлацијата зголемувањето на пензиите и на минималната плата.
Авиотранспортот во нашата земја често знае да биде вистински предизвик поради недостигот од директни летови до повеќе европски и регионални центри. Анализираме зошто сме толку слабо поврзани и зошто Македонија се разликува од другите воздухопловни пазари во Европа.
Во текот на неделата ќе може да прочитате каде одат македонските граѓани да работат како сезонски работници и какви се можностите за заработка. Истовремено прашуваме што прават македонските работодавци да ги задржат вработените во услови на зголемена миграција и недостиг од кадар.
Ќе направиме осврт и на најновите трендови на пазарот на електрични возила и ќе можете да прочитате какви се реакциите на меѓународните пазари по најновото затегнување на монетарната политика од страна на ЕЦБ.