Македонија и Европа подолг период се соочуваат со висока стапка на инфлација, а последните податоци од повеќе европски земји покажуваат дека цените на одредени производи и натаму растат, без оглед на затегнувањето на монетарната политика. Поради тоа, следниот понеделник ќе анализираме колкав е реалниот раст на трошоците на живот во Македонија од аспект на производите што влегуваат во основната потрошувачка кошничка.
Во текот на следната недела ќе можете да прочитате и како помина нашето тестирање на јазичниот бот ЧетГПТ, од кого побаравме да напише неколку бизнис-плана за инвестиции од 100.000 евра во Македонија. Нашиот аналитички тим овој пат ќе ја анализира состојбата во индустријата за домашни миленици, дејност што зема силен замав во светот.
Истражуваме и колку енергетската криза ја врати употребата на јаглен во земјава и дали власта беше принудена на отстапки во однос на транзицијата кон зелена енергија.
Народната банка континуирано ја зголемува основната камата и презема други мерки што доведуваат до зголемување на каматите на кредитите. Ќе анализираме дали сегашното ниво на каматни стапки е проблематично за компаниите, колку успеваат редовно да ги сервисираат долговите и дали има раст на долгот на корпоративниот сектор односно на нефункционалните кредити. Истовремено, ќе видиме колку се подготвени банките да ги кредитираат земјоделците во услови на постојан пораст на трошоците на производството.
За крајот на неделата, ќе провериме колкав е растот на трошоците на трудот во Македонија и како влијае тоа врз продуктивноста и врз билансите на компаниите.
.webp){kind=icon}
Во моментов нема коментари за веста. Биди прв да коментира...