Министерство за економија подготвува предлог-закон за трговските друштва врз основа на препораките од годишните извештаи на Европската комисија за напредокот на Македонија.
Предлог-законот се подготвува бидејќи е потребно понатамошно усогласување на националното законодавство со регулативата на Европската унија, кое се однесува на употребата на дигиталните алатки, прекуграничните статусни промени и преобразби, правилата за охрабрување на долгорочниот ангажман на акционерите, како и усогласување со европското законодавство во областа корпоративно сметководство и ревизија.
„Со предлог-законот се очекува постигнување пошироки општествено – економски цели, а тоа се понатамошен раст и развој на приватниот сектор преку поефикасно функционирање на трговските друштва, подобрување на правното и институционалното опкружување за работење и за вложување во земјата и поголемо приближување и воедначување на трговската легислатива со легислативата на земјите членки на Европската унија“, се вели во образложението објавено на Единствениот национален електронски регистар на прописи (ЕНЕР).
.webp){kind=icon}
Во моментов нема коментари за веста. Биди прв да коментира...